Во објава на социјалните мрежи, Зеленски рече дека единството на ставовите е клучно и ги повика партнерите да извршат поголем притисок врз Русија
Украинскиот претседател Володимир Зеленски предупреди дека руската армија не се подготвува за крај на војната, туку презема чекори кои, како што вели тој, укажуваат на подготовки за нови офанзивни операции.
Тој им се заблагодари на лидерите на ЕУ за нивната поддршка.
Во објава на социјалните мрежи, Зеленски рече дека единството на ставовите е клучно и ги повика партнерите да извршат поголем притисок врз Русија.
I am grateful to the leaders of Europe for their clear support of our independence, territorial integrity, and precisely such an active approach to diplomacy that can help end this war with a dignified peace.
— Volodymyr Zelenskyy / Володимир Зеленський (@ZelenskyyUa) August 12, 2025
Indeed, we all support President Trump’s determination, and together…
„Прашањата поврзани со безбедноста на Украина и Европа треба да ги дискутираме сите заедно. Секоја одлука мора да ги зајакне нашите заеднички безбедносни капацитети. Ако Русија одбие да ги запре убиствата, мора да понесе одговорност за тоа“,
рече Зеленски.
Давајќи поддршка на плановите на Доналд Трамп за самит со Владимир Путин, тој рече:
„Навистина, сите ја поддржуваме решителноста на претседателот Трамп и заедно мора да обликуваме позиции што нема да ѝ дозволат на Русија повторно да го измами светот“.
Тој потоа додаде:
„Додека тие продолжуваат со војната и окупацијата, сите ние заедно мора да го одржиме нашиот притисок – притисокот на силата, притисокот на санкциите, притисокот на дипломатијата. Им благодарам на сите што помагаат. Мир преку сила.“