Нападите врз Одеса, едно од главните пристаништа во Украина за извоз на жито, уследија по ветувањето за одмазда од страна на Русија по експлозијата на мостот што ја поврзува земјата со Кримскиот Полуостров
Русија синоќа започна масовен воздушен напад врз пристанишниот град Одеса – втора ноќ по ред, но властите рекоа дека нема да бидат заплашени и дека ќе продолжат да работат на извоз на житарки. Во градот се слушнале експлозии, а активна била и противвоздушната одбрана.
Нападите врз Одеса, едно од главните пристаништа во Украина за извоз на жито, уследија по ветувањето за одмазда од страна на Русија по експлозијата на мостот кој ја поврзува земјата со Кримскиот Полуостров во понеделникот, за што Москва го обвини Киев.
Набргу по нападот на мостот во понеделникот, Москва се повлече од договорот за жито од Црното Море, стар еден година, со кој се овозможи безбеден извоз на жито од Украина, потег што Обединетите нации велат дека ризикува да создаде глад низ целиот свет.
Висок руски дипломат, пак, посочил дека Москва ќе биде подготвена да се врати на критичниот договор за жито во Црното Море доколку меѓународните партнери ги исполнат нејзините барања.
Инаку, американскиот секретар за одбрана Лојд Остин рече дека контакт-групата за одбрана на Украина, која се состана вчера, разговарала за „итната потреба од муниција на Киев“. Сојузниците се борат да ѝ обезбедат на Украина муниција потребна за нејзината продолжена контраофанзива, изјавија официјални лица за Си-ен-ен.
Главниот генерал на САД рече дека украинската контраофанзива е „далеку од неуспех“, и покрај тоа што се движи побавно од предвиденото.