Посочи и дека Русија не ги променила своите цели, како заземање територии во Суми, Харков и Запорожје, како и пристап до границите на регионите Донецк и Луганск, нешто што останува дел од првичниот план на Москва од почетокот на војната
Русија започна нова пролетна офанзива, пробивајќи ја украинската одбрана во регионите Харков и Суми, објави украинскиот претседател Володимир Зеленски, кој истовремено додаде и дека продолжува притисокот на истокот на земјата.
„Денес повеќе од 67 000 руски војници се стационирани во правец на Курск. Завршија со трансферот на силите за напад во правец кон Суми“,
рече тој.
Според него, украинските вооружени сили досега успеале да го спречат рускиот напредок кон регионите Харков и Суми.
Посочи и дека Русија не ги променила своите цели, како заземање територии во Суми, Харков и Запорожје, како и пристап до границите на регионите Донецк и Луганск, нешто што останува дел од првичниот план на Москва од почетокот на војната.
Претседателот на Украина потсети дека Русија остварила најголеми тактички придобивки во ноември 2024 година, но тогаш имало големи загуби и забавување на офанзивата.
И врховниот командант на украинската армија Александар Сирски потврди дека руската пролетна офанзива започнала.
Украинскиот претседател навести и дека следната рунда преговори со Американците за прекин на огнот може да се одржи следната недела.
Најмалку 12 лица се повредени изминатата ноќ во напад на Киев и јужниот град Миколаев од страна на руски беспилотни летала.