Опасност од ракетни напади беше прогласена во повеќе градови и региони низ целата територија на Украина. Засега, нема информации за загинати лица, а во градот Лавов на западот на земјата биле погодени станбени згради и има повредени лица
Воздухопловството на вооружените сили на Украина соопшти дека во текот на изминатата ноќ, руската армија извршила масовни ракетни напади во повеќе места во земјата. Во западниот дел на земјата, во Лавов, делови од ракети паднале врз станбени згради по што биле повредени неколку лица, а при еден од нападите се урнал и таван во хипермаркет и биле оштетени возила кои биле паркирани пред влезот.
„Опасност од ракетен напад беше прогласена во Суми, Полтава и источните региони поради лансирање на крстосувачки ракети од стратешките бомбардери Ту-95МС од областа на Каспиското Море“, се наведува во извештајот“,
пренесуваат украинските медиуми.
Во Луцк, на северозападот на Украина, погодена е индустриска компанија, а има и повредени, изјави градоначалникот Игор Полишчук, пренесуваат украинските меидуми.
Во Днепар избувнал пожар во компанија како последица на ракетен напад, а има и повредени, изјави шефот на регионалната администрација Сергиј Лисак. Опасност од ракетни напади беше прогласена и во јужниот и во централните делови на Украина.