Иако, како што рече, забележува промена во комуникацијата на иранските претставници, Рубио повика на претпазливост и проверка на нивните вистински способности
Американскиот државен секретар, Марко Рубио, изјави дека САД нема да ги толерираат иранските закани за трајна контрола над Ормускиот теснец и воведувањето систем за наплата на транспортот.
„Тоа нема да биде дозволено“,
рече Рубио додавајќи дека претседателот Доналд Трамп има голем број опции на располагање за да спречи такво сценарио.
Рубио упати остри критики кон иранското раководство.
„Овие луѓе се луди. Тие се луди. Тие се религиозни фанатици“,
рече тој.
Marco Rubio on Iran:
— Clash Report (@clashreport) March 30, 2026
These people are lunatics. They are insane. They are religious zealots… pic.twitter.com/wfrcLzuNr8
Иако, како што рече, забележува промена во комуникацијата на иранските претставници, Рубио повика на претпазливост и проверка на нивните вистински способности.
„Очигледно таму има луѓе што ни се обраќаат на начини на кои претходните ирански лидери не ни се обраќаа“,
рече тој.
Меѓутоа, нагласи тој, овие најави треба да се тестираат.
„Некои од работите за кои велат дека се подготвени да ги направат – мора да видиме дали всушност може да ги направат. Мораме тоа многу силно да го тестираме“,
заклучи Рубио.