Пораката од денешниот „Марш за ангелите“ ја упати Александар Наунов, татко на починатата Надицa Наунова, кој посочи дека на уште на 14 јануари годинава Здружението, чиј претседател е тој, доставило официјално барање до Институтот за судска медицина, криминалистика и медицинска деонтологија дали оваа институција на Медицинскиот факултет при УКИМ во Скопје била вклучена во токсиколошките анализи и дали било испитувано присуство на цијанид и сродни соединенија
Родителите на загинатите во пожарот во т.н. кабаре „Пулс“ во Кочани денеска од 40. „Марш за ангелите“ повторно упатија повик до надлежните институции да им дадат одговори на прашањата, за кои велат, дека повеќе од една година се кријат од нив, а се однесуваат на причините за смртта на нивните деца.
Александар Наунов, татко на Надица Наунова, која загина во трагичниот пожар, како претседател на Здружението на граѓани „16 Март 2025 Кочани“, обраќајќи се од маршот, најави дека ако во следните три дена не добијат јасен одговор од Институтот за судска медицина во Скопје дали биле вршени анализи за присуство на водороден цијанид и други слични токсични соединија при обдукцијата на телата, родителите ќе дојдат пред Институтот и ќе останат таму додека не ги добијат одговорите што ги бараат.
Наунов посочи дека на уште на 14 јануари годинава Здружението, чиј претседател е тој, доставило официјално барање до Институтот за судска медицина, криминалистика и медицинска деонтологија дали оваа институција на Медицинскиот факултет при УКИМ во Скопје била вклучена во токсиколошките анализи и дали било испитувано присуство на вакви соединенија.
И по поминати повеќе од два месеци, до ден денешен не добиле одговор.
Дополнително, како што кажа тој, пред четири месеци побарале итен состанок со преставници од Судска медицина, но наместо конкретни одговори, добиле колективна средба со директорот на институцијата, на која им било кажано дека дополнително ќе бидат повикани и дека сè ќе им биде објаснето детално.
„На 16 март 2025 (денот кога се случи пожарот н.з.) кога ни ги однесовте децата во црни вреќи во Скопје за обдукција не убедувавте дека тоа е задолжителна постапка и дека мора детално да се утврди вистинската причина за нивната смрт. Со скрешени срца се противевме, но со огромна болка ги дадовме верувајќи дека институциите ќе ја завршат работата чесно и прифесионално. Чекавме четири дена во кои не можевме достоинствено да се простиме од нив како што заслужуваа, да ги гушнеме, да ги бакнеме за последен пат. Зошто? За да ни ги вратите со предупредување да не ги отвораме сините ќеси, да не ги видиме искасапени. За до ден денес, повеќе од една година сè уште да немаме целосен одговор дали биле земени биолошки примероци, што точно било анализирано, дали постојат токсиколошки резултати и која е вистинската причина за смртта на наште најмили. Зошто се правеше обдукција, ако работата не е завршена целосно, заошто семејствата добиваат нецелосни информации. Кого штитете? Државата, институциите, министерствата. Ова е прашање на човечност, професионалност и одговорност кон семејствата кои изгубија сè. Ова е неприфативо криење на инфрмации од семејствата кои имаат право на вистина. Бараме одговор, вистина и достоинство. Доколку во наредните три дена на не добиеме јасен, писмен и сеопфатен одговор, ние како семејства ќе дојдеме пред Судска медицина и нема да си заминеме додека не ја добиеме вистината што ни ја должите. Нема да прифатиме повеќе молк, префрлање на одговорност. Нема да застанеме додека не добиеме целосен и сеопфатен одговор“, кажа Наунов со солзи во очите додека ја упатуваше пораката.
кажа Наунов со солзи во очите додека ја упатуваше пораката.
Овие прашања, рече тој, не ги постапуваат првпат јавно, но наместо конкретни одговори биле упатувани од една до друга институција. Во таа смисла, тој посочи дека во меѓувреме добиле решение од Природно-математичкиот факултет во Скопје во кое официјално било потврдено дека по наредба на Основното јавно обивнителстов Кочани е изготвен вешт наод и мислење поврзан со предметот. Но, повторно без конкретен одговор на прашањето што ги мачи.
Во врска со клучното прашање, дали биле испитувани параметри за присуство на цијаниди и што точно покажуваат анализите, од Природно-математичкиот факултет ги упатиле до ОЈО Кочани, од каде велат дека има само молк, како и од Институтот за судска медицина.
Четириесетиот „Марш за ангелите“ и денеска започна од „Паркот на Револуцијата“. Родителите и граѓаните присутни на него поминаа низ Трговскиот центар, кратко се задржаа пред подружницата на Управата за јавни приходи во Кочани и пред Полициската станица во градот.