Резиденцијата на Камала Харис ставена во зоната на евакуација поради пожарите во Лос Анџелес

Потпретседателката на САД, која во моментов е во Вашингтон, порача дека се моли за сите што морале да се евакуираат или биле погодени од шумските пожари

Резиденцијата на актуелната американската потпретседателка Камала Харис во Лос Анџелес е ставена во зоната за евакуација поради тековниот шумски пожар во Калифорнија, објави Ен-би-си њуз.

Харис во моментов е во Вашингтон.

Порача дека се моли за сите што морале да се евакуираат или биле погодени од шумските пожари.

„Како горда ќерка на Калифорнија, ја знам штетата што шумските пожари ја прават. Исто така, знам дека ударот често се чувствува долго откако пожарот е локализиран. Ќе се погрижам нашата администрација да биде во постојан контакт со државните и локалните власти на погодените области“,

изјави потпретседателката на САД.

• (ВИДЕО) Шумски пожар над Лос Анџелес – горат куќи и други објекти, евакуирани се над 30 илјади жители

Во делови од Лос Анџелес во моментов е активен шумски пожар поттикнат од силни ветрови. За неколку часа има зафатено голема површина. Според пишувањата на светските агенции, 30 илјади луѓе се евакуирани, а најмалку 200 илјади потрошувачи во округот Лос Анџелес се без струја.

Според локалните власти, условите се исклучително опасни поради комбинацијата со ниската влажност и сува вегетација и недостиг на дожд.