Грција драстично ги заостри ковид-мерките. Тие ќе траат до 11 јануари и со нив се забранува работата на сите услужни фирми, кои до сега можеа да функционираат.
Се затвораат книжарниците, фризерските и салоните за разубавување, како и авто-сервисите.
Во Грција до 11 јануари е забранет и ловот и риболовот а останува и мерката со која не се дозволува излегување од домовите од 21 до 5 часот изутрина.
Црквите и натаму се затворени за верниците а властите решија на големиот христијански празник Богојавление (6 јануари) да забранат организирање на традиционалното осветувања на водите.