Предусловите се исполнети, ќе има нова одлука за цената на нафтените деривати која ќе биде во сила по полноќ на 1 април, најавуваат од Комисијата
Регулаторната комисија за енергетика и водни услуги (РКЕ) во текот на денов ќе донесе нова одлука за цената на нафтените деривати што ќе важи од ноќеска на полноќ.
„Предусловите се исполнети, РКЕ ќе има нова одлука за цената на нафтените деривати која ќе биде во сила од 0:01 часот на 1 април“,
информираат од Регулаторната комисија.
Цените на горивата се носат врз основа на изменетиот Правилник за одредување на малопродажните цени на нафтените деривати со кој РКЕ може секој ден да носи одлуки за промена на цените на горивата доколку пресметката за цената на било кој нафтен дериват оди нагоре или надолу за два денара. За пресметката се зема просекот од претходните петдневни котации на берзата за секој нафтен дериват одделно и воопшто не влијае цената на суровата нафта брент на светскиот пазар.