Според Центарот за управување со кризи, покрај шесте активни пожари, четири се под контрола, а осум се изгаснати
Центарот за управување со кризи (ЦУК) информираше дека денеска до 18 часот на територијата на целата држава се регистрирани вкупно 18 пожари на отворен простор, од кои шест се активни, четири сe под контрола и осум се изгаснати.
Активен е пожарот на територија на Општина Врапчиште помеѓу селата Добри Дол и Врапчиште каде гори сува трева. Активен е и пожарот во Општина Сарај кај селото Копаница каде, исто така, гори сува трева. Сличен пожар е активен и на територија на Општина Старо Нагоричане кај селото Магленце. Ниска вегетација гори и кај фабриката „Киро Ќучук“ во Велес. Во близина на Тиквешкото Езеро на територија на Општина Квадарци гори нискостеблеста шума и трева. Шестиот активен пожар е на територија на Општина Битола кај местото викано Ергела каде гори сува трева и стрниште.
Под контрола е пожарот во повеќенаменското подрачје „Јасен“ на територија на Општина Македонски Брод, гори мешана шума. Под контрола е и пожарот на планината Кожуф во Општина Гевгелија. Под конрола се држат и пожарите во Општина Желино кај селата Мерово и Церово.
Осумте изгаснати пожари беа во општините Кавадарци, Струмица, Чешиново-Облешево, Липково, Ранковце и Битола.