Ги пренасочуваме резервите на други дестинации. Тоа се решителни, систематски акции кои ќе ни овозможат да ги минимизираме сите негативни ефекти, изјави портпаролот на Кремљ
Делумното ембарго на Европската унија за руската нафта ќе има негативно влијание врз целиот енергетски пазар, изјави денеска портпаролот на Кремљ, Дмитриј Песков.
„Овие санкции несомнено ќе имаат негативно влијание, можеби на целиот континент, но секако и на Европејците, на нас и на глобалниот енергетски пазар“,
предупреди тој, пренесува ТАСС.
Песков додаде дека европскиот пазар е многу важен за Русија во однос на снабдувањето, но сега Москва презема мерки за ублажување на последиците од овие нови ограничувања, рече Песков.
„Ги пренасочуваме резервите на други дестинации. Тоа се решителни, систематски акции кои ќе ни овозможат да ги минимизираме сите негативни ефекти“,
рече тој.
Песков посочи дека самата Европа ќе се соочи со сериозно враќање на сопствените одлуки и дека ќе мора да ги трпи последиците.
Членките на ЕУ во понеделникот го одобрија шестиот пакет санкции против Русија, вклучително делумно ембарго за увоз на руска нафта и исклучување на „Сбербанк“ од меѓународниот систем на трансакции СВИФТ.
Лидерите на 27-те земји членки на ЕУ пред два дена постигнаа политички договор синоќа за ембарго од околу 90 отсто врз руската нафта, Унгарија го доби исклучокот што го бараше.
И покрај песимизмот во одредени кругови во ЕУ, лидерите сепак изнајдоа начелен политички договор за руската нафта.
До крајот на годината сировата нафта и нафтените производи од Русија ќе подлежат на ембарго, освен во случај на испораката на нафтоводот кон југот, објаснија претседателите Шарл Мишел и Урсула фон дер Лајен на прес-конференција по првиот ден од вонредниот лидерски самит.