Албанскиот премиер Еди Рама се огласи на „твитер“ со објаснување дека неговата шега во која претседателот на владата, Димитар Ковачевски го нарекува премиер на „идната Западна Бугарија“, всушност била на сметка на Бугарија која ја блокира земјава во ЕУ.
За смеење и плачење е хистеријата на некои во Скопје кон премиерот Ковачевски, по објавувањето на видеото од ракувањето со канцеларот Шолц во Солун, каде ја иронизирав грдата блокада на Северна Македонија од Бугарија! Кафанска кавга среде чадот од ќофтињата“
напиша Рама.
Për të qeshur dhe qarë histeria e disave në Shkup ndaj kryeministrit Kovaçevski, pas publikimit të videos së duarshtrëngimeve me Kancelarin Scholz në Selanik, ku ironizova bllokadën e shëmtuar ndaj Maqedonisë së Veriut nga ana e Bullgarisë! Sherr mejhaneje mes tymit të qofteve? pic.twitter.com/x9jzAyD3AE
— Edi Rama (@ediramaal) June 12, 2022
По објавувањето на видеото од Самитот во Солун, опозициската ВМРО-ДПМНЕ побара извинување и оставка од премиерот Ковачевски, бидејќи како што велат не е кредибилен да ги брани националните интереси на државата и да ја претставува во меѓународните односи. За СДСМ , пак опозицијата ги извртува изјавите на Рама , кој според нив е познат во меѓународната јавност по неговиот сарказам, во случајов за блокадата на ЕУ кон Северна Македонија.