Пред една седмица, албанскиот премиер, на средба со шефот на дипломатијата на ЕУ, Жозеп Борел, пак, посочил дека Албанија е заложник на ситуацијата во регионот, како и на отворениот конфликт на Бугарија со С Македонија
Албанскиот премиер Еди Рама денеска повторно ја критикуваше ЕУ во врска со (не)одржувањето на првата меѓувладина конференција, но исто така нагласи дека Албанија мора да стане полноправна членка на блокот.
Во интервју за австриски Куриер, Рама изрази разочарување поради изневерените надежи за почеток на преговори и поради правилата што постојано се менуваат.
„Секогаш има врска со внатрешната политика во една или друга земја – членка на ЕУ. Она што важи денес утре нема зошто да се спроведува. Слично е како и со временската прогноза. Ние, во меѓувреме, развивме техника која ни помага да го дешифрираме изборниот календар на ЕУ. Во зависност од профилот на една земја, може да се очекува извесно забавување на процесот на проширување на ЕУ по изборите“,
одговорил Рама.
На прашање дали се чувствувате како заложник на националната политика на земјите од ЕУ, Рама вели дека не се чувствува како заложник по ниту едно прашање, туку дека самата ЕУ е заложник на Балканот. Земјите од ЕУ, додава, не дејствуваат експлицитно кон нас, тие дејствуваат на овој начин и за самите себе.
Одговарајќи на прашање дали е можно да се замисли делумно решение за Албанија – да не биде полноправна членка на ЕУ, туку да стане дел од Европска економска зона, како Норвешка или Швајцарија, Рама вели дека нема да се преговара за такво нешто.
„Албанија мора да стане целосно функционална земја – членка на ЕУ. Ние сме Европејци, опкружени сме со границите на ЕУ, а остатокот од одлучувањето и припаѓа нејзе. Таа има право да каже како сака да се менаџира во нејзиниот дом“,
вели Рама.
Тој вечера, пред Самитот ЕУ-Западен Балкан во Брдо кај Крањ, изјави дека веќе ништо не очекува од ЕУ.
Пред една седмица, албанскиот премиер, на средба со шефот на дипломатијата на ЕУ, Жозеп Борел, посочил дека Албанија е заложник на ситуацијата во регионот, како и отворениот конфликт на Бугарија со Северна Македонија.