Нацрт-законот многу брзо ќе биде готов и ќе биде ставен на јавна расправа, идентично како и нацрт-законот за фискална амнестија кој прво се дискутира со неколку меѓународни институции, вели албанскиот премиер
Албанскиот премиер Еди Рама изјави дека речиси една година се работи на подготвка на закон за легализација на марихуната за медицински цели во Албанија, јави МИА од Тирана.
За таа цел, како што вели, се консултирале со најдобрите странски и домашни експерти.
„Веќе една година работиме на овој нацрт-закон, кој ќе биде готов набрзо. Ние не работиме без да се консултираме со странски и наши експерти на високо ниво. Главната работа што ја правиме е консултација со други кои имаат искуство за тоа. Ние не измислуваме ништо, учиме од другите. Нацрт-законот многу брзо ќе биде готов и ќе биде ставен на јавна расправа, идентично како и нацрт-законот за фискална амнестија кој прво се дискутира со неколку меѓународни институции“,
рече Рама на заедничката прес – конференција со евроамбасадорот Луиџи Сореца.
Како што нагласи, во многу европски држави, меѓу нив и Северна Македонија, марихуаната е легализирана за медицински цели.
Албанија е позната по големото нелегално производство на марихуана, која главно завршува на пазарот во западно европските земји.Последните години, како што се проценува, се произведуваат по стотина тони марихуна, поради што од „Колумбија на Балканот“ сега го носи епитетот „Колумбија во Европа“.Поради се поголемо производство во недостапните планински предели, полицијата првпат почна да користи дрон за нејзино откривање, пишува МИА.