Албанскиот премиер Еди Рама објави реакција на Твитер откако претходно бугарското МНР упати забелешка на вчерашните негови изјави во Брисел и побара, како што се наведува во соопштението, да го приспособи јазикот на политичар од земја кандидат за ЕУ
Вие имате проблем со мојот начин на изразување, јас со начинот на кој Бугарија сака да ги реши билатералните прашања. Или дигнете го ветото или ќе ме трпите, реагираше албанскиот премиер Еди Рама на Твитер откако претходно бугарското МНР упати забелешка на неговите изјави вчера во Брисел и побара, како што се наведува во соопштението, да го приспособи јазикот на политичар од земја кандидат за ЕУ.
„О! Бугарското Министерство за надворешни работи има проблем со мојот начин на зборување! Фер. И јас имам проблем со начинот на кој Бугарија сака да ги реши билатералните прашања користејќи го процесот на проширување како средство за киднапирање на две земји од НАТО! Полека пријатели: Подигнете го ветото или ќе ме трпите“,
напиша Рама на Твитер.
Oh! Bulgaria’s Foreign Ministry has an issue with my way of speaking!Fair enough.I have an issue too with the way Bulgaria wants to solve biletaral issues by using the enlargement process as e vehicle of kidnapping two NATO countries! Easy friends:Lift the VETO or bear with me!
— Edi Rama (@ediramaal) June 24, 2022