Сирените за воздушен напад се огласиле во Тел Авив и низ централен Израел, што ги натерало жителите да избегаат за да се засолнат
Ракета истрелана од Јемен во централен Израел погоди ненаселена област, повредени нема, соопшти денеска израелската армија.
Сирените за воздушен напад се огласиле во Тел Авив и низ централен Израел, што ги натерало жителите да избегаат за да се засолнат.
„Откако се вклучија сирените во централен Израел, беше идентификувана ракета земја-земја која дојде од исток и падна на отворен простор. Нема повредени“,
соопштија од армијата.
Во регионот се слушнале гласни удари, за кои војската рече дека доаѓале од лансирањето на пресретнувачи на проектили. Од војската додадоа дека нивните упатства за заштита на израелските жители остануваат непроменети.
Се претпоставува дека ова е потег на јеменските хути, кои се поддржани од Иран. Во јули хутите истрелаа беспилотно летало со долг дострел на Тел Авив, при што беше убиено едно лице, а четворица беа ранети. Нападот го поттикна Израел да изврши голем воздушен напад врз воени цели на хутите во близина на јеменското пристаниште Ходеида, при што загинаа најмалку три лица, а 87 беа ранети.