Радев за спорот со С Македонија: Не се водиме по рокови, туку по резултати

Според Радев, сите обиди за притисок врз Бугарија се контрапродуктивни

На сите европски совети – почнувајќи од мај, разговарав со секој европски лидер на тема Северна Македонија. Сакам да им се заблагодарам, бидејќи по вторпат темата е надвор од дневен ред. Нашите партнери конечно разбраа каде е вистинскиот проблем. Проблемот влијае длабоко врз основата на самата ЕУ, поточно човековите права и недискриминацијата, изјави претседателот Румен Радев за бугарските медиуми во Брисел.

Радев се наоѓа во главниот град на Белгија, каде што учествува на шестиот самит на источното партнерство и на Европскиот совет.

Ќе продолжиме да ја браниме не само историјата, додаде Радев и истакна дека главен приоритет е почитувањето на човековите права на луѓето со бугарски идентитет.

„Не даваме рокови. Овој процес не се води по рокови, туку по резултати“,

додаде Радев.

Нема промена на позициите за С Македонија, порачуваат бугарски функционери

Според него, сите обиди за притисок врз Бугарија се контрапродуктивни.

„Францускиот претседател Емануел Макрон јасно ја знае позицијата на Бугарија и затоа не очекувам притисок. Имаме јасен договор. Со Франција мораме да ги решиме енергетските прашања“,

додаде Радев.

Пендаровски: Прифатлив е пристапот на новиот бугарски премиер дека историјата не треба да биде единствен канал на комуникација