Употребата на воена сила против суверена држава е неприфатлива во 21 век, реагира бугарскиот премиер
Државниот врв на Бугарија пристигна на вонреден состанок во зградата на Претседателството во Софија за да ја разгледа ситуацијата околу Украина по нападот од Русија.
Состанокот го свика бугарскиот претседател Румен Радев.
Во зградата на Претседателството веќе се премиерот на Бугарија Кирил Петков, министрите за надворешни работи, за внатрешни работи, за одбрана и за транспорт, Теодора Генчовска, Бојко Рашков, Стефан Јанев и Николај Шабев, како и шефовите на специјалните служби.
Во Министерството за надворешни работи рано изутрина почна со работа Кризен центар, јави МИА од Софија.
Петков, преку Твитер, изрази остра осуда за руската агресија врз Украина.
„Употребата на воена сила против суверена држава е неприфатлива во 21 век“,
нагласува Петков.
We strongly condemn the Russian military agression against Ukraine. The use of military force against a sovereign country is unacceptable in the 21st century.
— Kiril Petkov (@KirilPetkov) February 24, 2022