Неколку часа подоцна Радев во изјава за новинарите истакна дека Бугарија треба да продолжи со ветото, коментирајќи ги резултатите од пописот
Бугарија очекува многубројните ветувања на Република Северна Македонија да почнат да се претвора во резултати кои ќе ја зајакнат меѓусебната доверба и ќе создадат одржливи услови за развој на добрососедските односи. Ова го изјави претседателот Румен Радев, кој денеска во Софија имаше средба со еврокомесарот за проширување и европска соседска политика Оливер Вархеји, соопштија од прес-службата на шефот на државата пренесе БГНЕС.
„Само вистински напредок во билатералниот дијалог со Бугарија и исполнувањето на копенхашките критериуми за членство во ЕУ може да го придвижи процесот на европска интеграција на нашиот југозападен сосед“,
изјавил Радев додавајќи дека Бугарија високо го цени придонесот на Европската комисија и на комесарот за проширување и соседство за интензивирање на билатералниот дијалог меѓу двете земји.
„Нашата земја очекува овој дијалог да доведе до конкретни чекори во однос на обезбедување уставни гаранции за вистинско почитување на правата на македонските Бугари, ставање крај на говорот на омраза кон Бугарија и Бугарите, зачувување на вековното бугарско културно и историско наследство на територијата на РСМ да се согласи за почеток на преговори за членство во ПКМ во ЕУ. Новата динамика во односите меѓу Бугарија и РСМ е позитивен знак за двете земји и заедно со развојот на заеднички економски, транспортни и инвестициски проекти треба да се решат отворените прашања во билатералните односи“,
рекол Радев соопштија од неговиот Кабинет.
Комесарот Вархеји, според истиот извор, изразил разбирање во име на Европската комисија за важноста на отворените прашања меѓу Бугарија и РСМ и ја потврдил својата подготвеност да продолжи да работи за нивно одржливо решавање. Тој на Радев му ја пренел подготвеноста на Владата на РСМ да постигне резултати во билатералниот дијалог со Бугарија, вклучително и обезбедување уставни гаранции за почитување на правата на македонските Бугари.
Според времето на објавување на соопштението, средбата на Радев и Вархеји се случила околу попладне по локално време.
Неколку часа подоцна Радев во изјава за новинарите истакна дека Бугарија треба да продолжи со ветото, коментирајќи ги резултатите од пописот.