Реков и претходно – гледајте што се случува со пописот во РС Македонија. Ова е уште еден доказ за беззаконието во РС Македонија. Овде преку 120 000 со документ докажале дека се со бугарско потекло, изјави бугарскиот претседател
Бугарија мора да продолжи со политиката на вето додека не добиеме јасни гаранции за заштита на нашиот интерес, изјави денеска претседателот на Бугарија, Румен Радев, коментирајќи ги резултатите од пописот во С Македонија.
„Реков и претходно – гледајте што се случува со пописот во РС Македонија. Ова е уште еден доказ за беззаконието во РС Македонија. Овде преку 120 000 со документ докажале дека се со бугарско потекло. Бугарија мора да продолжи со политиката на вето додека не добиеме јасни гаранции за заштита на нашиот интерес“,
рече Радев.
Вчера и лидерот на на Има таков народ, Слави Трифонов и пратеничката на ГЕРБ и ексминистеркат за надворешни работи Екатерина Захариева ги критикуваа податоците од пописот во однос на оние што се изјасниле како Бугари.
Ако Северна Македонија сака да биде дел од Европската Унија, нејзините граѓани мора слободно да се декларираат, напиша лидерот на Има таков народ, Слави Трифонов, на својот фејсбук-профил.
„Најчудно е што не се бројат Бугарите кои се надвор од државата, за разлика од другите етнички групи. Не треба да заборавиме дека во последните 15 години 86 566 граѓани на РСМ добиле бугарско државјанство, изјавувајќи пред нашите власти дека се идентификуваат како Бугари“,
напиша Захариева на Фејсбук.
Вкупно 3 504 лица што живеат во земјава се изјасниле како етнички Бугари за време на пописот во земјава од 5 до 30 септември минатата година. Според податоците што ги презентира ДЗС, тоа е 0,19 отсто од вкупното резидентно население во земјава. Од нив повеќето се мажи 2 121, а 1 383 се жени.
Во споредба со пописот од 2002 година повеќе од двојно e зголемен бројот на лица кои се изјасниле како етнички Бугари, односно тогашната бројка е 1 487.