Бугарскиот претседател изминатиот период ја критикуваше владата, што некои го толкуваа како негов обид да ја урне. Но, Радев денеска изјви дека неговите критики не се во таа насока и спомена дека последен пат кога изгубил доверба во извршната власт било во февруари 2020 година во владата на Бојко Борисов
Идни односи на бугарскиот претседател Румен Радев со владата на Кирил Петковќе зависат од развојот на прашањето за Северна Македонија.
„Имаме некои разлики и ќе продолжам да ја следам оваа позиција и од тоа ќе зависат моите односи со Владата“,
изјави Радев денеска во Берлин, објави Дарик радио.
Радев изминатиот период ја критикуваше владата, што некои го толкуваа како негов обид да ја урне. Но, Радев денеска изјви дека неговите критики не се во таа насока и спомена дека последен пат кога изгубил доверба во извршната власт било во февруари 2020 година во владата на Бојко Борисов.
„Не го сфаќајте тоа дека зборувам за рушење на власта. ..Многу е важно владата која доаѓа со големи ветувања да ги исполни своите ветувања, да нема ‘сиви зони’, да нема скриени процеси. Така што јас како претседател нема да се откажам од ова и не го правам тоа за да ја соборам владата, туку поради народот. Важно е да се води дијалог кога бизнисот сака состаноци, да се разбере, да се слушне, да се почувствува што сакаат Бугарите“,
додаде тој.
Во февруари 2020 година, Радев изрази недовербата кон тогашната влада, предводена од лидерот на ГЕРБ, Бојко Борисов. Ова се случи една недела откако обвинителството објави снимки од специјалните разузнавачки служби, од кои на едната се слуша гласот на шефот на државата, потсетуваат бугарските медиуми.