Рускиот претседател Владимир Путин учи англиски. Ова за рускиот весник „Аргументи и факти“ го изјави портпаролот на Кремљ, Дмитриј Песков.
„Не секој ден, но неколку пати неделно тој учи англиски јазик. Ова се кратки часови, но редовни“,
вели Песков во интервјуто.
За шефот на руската држава тој открива дека времето го минува во гледање странски ТВ-канали, главно на англиски и на германски јазик и во читање весници и додава дека тој е претплатен на поголем број.
„Ги добива и во Кремљ и во резиденцијата во Ново-Огарово. Секогаш ги има и во авионот кога лета некаде“,
вели портпаролот на Кремљ.