Рускиот претседател Владимир Путин денеска ги повика украинските војници, кои во моментов го одвраќаат рускиот напад во главниот град, да ја преземе власта во Киев во свои раце. Актуелната власт ја нарече со зборовите „банда наркомани и неонацисти“.
Тој изјавата ја даде на итниот состанок на рускиот Совет за национална безбедност.
„Уште еднаш апелирам до воениот персонал на вооружените сили на Украина: не дозволувајте неонацистите да ги користат вашите деца, жени и постари лица како жив штит, преземете ја власта во свои раце. Се чини дека ќе ни биде полесно да се помириме со вас отколку со оваа банда на наркомани и неонацисти, кои се населиле во Киев и го зедоа како заложник целиот украински народ“,
рече рускиот претседател.
Путин кажа и дека руските офицери во Украина „се однесуваат храбро, професионално и херојски“.
Претходно, пак, украинскиот претседател Влодомир Зеленски го повика Путин да седнат на преговарачка маса.
Photo: EPA-EFE/SERGEI ILNITSKY