Се верува дека Ким е страстен вљубеник во автомобилите. Поседува голема колекција луксузни странски возила, за кои се смета дека биле прошверцувани бидејќи резолуциите на Советот за безбедност на ОН забрануваат извоз на луксузни стоки во Северна Кореја
Рускиот претседател Владимир Путин на севернокорејскиот лидер Ким Џонг-ун му подари руска лимузина марка „аурус“, чајна гарнитура и адмиралска кама, пренесува Би-би-си. За време на неговата посета на Пјонгјанг, Путин за возврат добил различни уметнички дела и бисти со неговиот лик.
Помошникот на рускиот претседател, Јуриј Ушаков, не го објаснил значењето на изборот на подароците за Џонг-ун, единствено посочил дека тие се поврзани со имиџот на рускиот претседател.
Ова не е првпат Путин да му подари на Ким автомобил. Последен пат му подарил автомобил во февруари годинава, но не е позната марката на возилото.
Оваа марка на автомобил е направена на иницијатива на самиот Владимир Путин, со цел да се намали купувањето на луксузни автомобили од западните земји во Русија.
Russia’s Putin gives North Korea’s Kim a luxury Russian-built limousine, says TASS https://t.co/WLKfD6heMx https://t.co/RLOVuwrfUk
— Michael B. Kelley (@MichaelBKelley) June 19, 2024
Се верува дека Ким е страстен вљубеник во автомобилите. Поседува голема колекција луксузни странски возила, за кои се смета дека биле прошверцувани бидејќи резолуциите на Советот за безбедност на ОН забрануваат извоз на луксузни стоки во Северна Кореја.
Тој е виден во „мајбах“, неколку „мерцедеси“, „ролс ројс фантом“ и „лексус’. Висок руски функционер минатиот месец изјави дека Русија оваа година ќе започне со производство на луксузни автомобили „аурус“ во поранешна фабрика на „Тојота“ во Санкт Петербург.
North Korea can make nuclear war heads but not a car !!
— Logiclub (@logiclub_in) February 20, 2024
One tyrant – #Putin gave limousine to another super tyrant – #KimJongUn. pic.twitter.com/uVxyj4AfT4
Рускиот претседател Владимир Путин синоќа пристигна во својата прва посета на Северна Кореја по 24 години, при што вети дека ќе ги подобри трговските и безбедносните врски со земјата и ќе ја поддржи во односите со САД.
Руските медиуми пренесуваат дека рано утрово Путин и севернокорејскиот лидер Ким Џонг-ун започнале со разговорите откако претходно имало свечена церемонија на главниот плоштад во Пјонгјанг.
Двајцата претседатели потпишале ново партнерство кое вклучува завет за заемна помош доколку некоја од земјите биде нападната.
Договорот, за кој лидерите рекоа дека опфаќа области вклучувајќи безбедност, трговија, инвестиции и културни и хуманитарни врски, може да ја означи најсилната врска меѓу Москва и Пјонгјанг од распадот на Советскиот Сојуз во 1991 година.