Посочи дека украинските сили се обидуваат да се приближат до руската граница и ги обвини за уништување споменици од Втората светска војна. Украинските војници ги опиша како луѓе со нацистички ставови
Рускиот претседател Владимир Путин ја посети Курската Oбласт првпат откако минатиот месец руската армија ги протера украинските сили од регионот, пренесува Ројтерс.
Кремљ објави дека за време на вчерашната посета Путин се сретнал со волонтерските здруженија во областа и ја обиколил нуклеарната централа „Курск II“, која е во фаза на изградба.
Vladimir Putin visited the Kursk region for the first time since Russia’s army said it cleared the area of Ukrainian forces. During the visit, he toured the Kursk Nuclear Power Plant with Deputy Presidential Chief of Staff Sergei Kiriyenko.
— The Moscow Times (@MoscowTimes) May 21, 2025
Read more: https://t.co/WrZCei6zer pic.twitter.com/58uM4fvujq
Ги посетил и локалните лидери, вклучувајќи го и вршителот на должноста гувернер на областа, Александар Хинштајн.
За време на посетата на Курск, Путин беше придружуван од Сергеј Кириенко, заменик-шеф на кабинетот на претседателот.
Рускиот претседател ја пофалил храброста на бранителите на градот Курчатов оценувајќи ја нивната акција како пример за патриотизам.
Посочи дека украинските сили се обидуваат да се приближат до руската граница и ги обвини за уништување споменици од Втората светска војна. Украинските војници ги опиша како луѓе со нацистички ставови.
„Тие би го освоиле второто место на натпревар за идиоти. Зошто? Затоа што се идиоти. Со тоа што го прават, само покажуваат кои се“,
рече тој.
Putin Visits Kursk Region
— Clash Report (@clashreport) May 21, 2025
During the visit, Putin toured a nuclear power plant under construction and held a meeting with local officials in Kurchatov.
Putin also stated that Ukraine is still attempting to advance toward the Russian border. pic.twitter.com/XMqPuJXauR
Во април Русија објави дека ги потиснала украинските трупи од Курската Област. Тогаш Путин извести дека украинската офанзива врз рускиот курски регион е целосно неуспешна.
Нешто повеќе од две години по руската инвазија во 2022 година, на 6 август годинава Украина ја почна својата најсмела офанзива пробивајќи ја руската граница во Курската Област со помош на дронови и тешко оружје.
Во екот на операцијата, украинските сили изјавија дека контролираат близу 1 400 квадратни километри во Курската Област.