Американскиот претседател Доналд Трамп минатиот понеделник за време на состанокот во Белата куќа со Зеленски и европските лидери сугерираше дека средба меѓу Путин и Зеленски може да се одржи во следните две недели. Од денешна дистанца, Песков сепак изјави дека рускиот интерес и подготвеност за такви преговори остануваат
Русија не го отфрла предлогот претседателот Владимир Путин да се сретне со украинскиот претседател Володимир Зеленски, но таквата средба ќе мора да се базира на претходно договорени услови, изјави портпаролот на Кремљ, Димитриј Песков.
„Путин верува дека секоја средба на највисоко ниво мора да биде добро подготвена и да ги потврди резултатите постигнати на стручно ниво“,
изјави Песков.
Тој се осврна на вчерашната изјава на германскиот канцелар Фридрих Мерц во која тој рече дека повеќе не очекува средба меѓу Путин и Зеленски. „Дипломатското ниво во моментов не е многу активно“, вели Песков.
Американскиот претседател Доналд Трамп минатиот понеделник за време на состанокот во Белата куќа со Зеленски и европските лидери сугерираше дека средба меѓу Путин и Зеленски може да се одржи во следните две недели. Од денешна дистанца, Песков сепак изјави дека рискиот интерес и подготвеност за такви преговори остануваат.
Портпаролот на Кремљ рече и дека Русија ги доставила сите свои барања за прекин на конфликтот во писмена форма.
Зеленски денеска изјави дека разговорите меѓу партнерите на Киев за безбедносните гаранции за Украина треба итно да се подигнат на ниво на лидери и дека во нив треба да учествува американскиот претседател Доналд Трамп.
Украинските претставници бараат силни гаранции од сојузниците на Киев како дел од потенцијален мировен договор за прекин на војната со Русија, која сега е во четвртата година.
„Ни треба архитектурата да им биде јасна на сите. Потоа сакаме да се поврземе со претседателот Трамп за време на состанокот и да му кажеме како гледаме на тоа“,
вели Зеленски.
Тој додаде дека Украина сака правнообврзувачки безбедносни гаранции што би сакал и сојузниците да ги ратификуваат преку своите парламенти.