Две лица синоќа се повредени од испукани куршуми на свадбена свеченост во Мала Речица, соопшти МВР. Инцидентот се случил во двор од куќа каде што се одржувала церемонијата. Едниот повреден е син на пратеникот Џеват Адеми, а вториот истотака е негов роднина. По инцидентот, повредените биле пренесени во тетовската клиничка болница.
„На 30.7.2019 околу 22 часот, на свадбена свеченост организирана во дворот од куќата на 47-годишниот Б.Д, на улица „172“ во тетовска Мала Речица, од испукани куршуми од огнено оружје повреди здобиле 27-годишниот А.Б. од Мала Речица и 26-годишниот Ф.А. од Голема Речица. Двајцата се пренесени во тетовската клиничка болница за укажување на лекарска помош. Јавен обвинител и екипа од Секторот за внатрешни работи Тетово извршиле увид и се преземаат мерки за целосно расчистување на случајот“,
се вели во билтернот на МВР.
Според извори на телевизија Алсат, на свадбената церемонија истовремено пукале повеќе присутни гости.
Семејството Адеми за порталот „Лајм“ потврдило дека синот на пратеникот е ранет од огнено оружје, но демантирале дека Адеми пукал при повредувањето.