Причината за штрајкот, според соопштението на Сојузот на синдикати на Македонија (ССМ), е тоа што вработените во секретаријатот и стручните единици на МАНУ земаат плати кои се малку повисоки од минималната плата во државата
Првпат во 56-годишното постоење на Македонската академија на науките и уметностите (МАНУ), дел од вработените Академијата ќе стапат во штрајк поради ниски плати.
Според известувањето за штрајкот што го објави на Сојузот на синдикати на Македонија (ССМ), од 9 февруари (четврток) во штрајк стапува синдикалната организација на Академијата во која членуваат вработените во секретаријатот и стручните единици на МАНУ.
„Причина за штрајкот се недостоинствено ниските плати на вработените во секретаријатот и стручните единици на МАНУ, кои се далеку под просечната плата во С Македонија, односно малку над минималната плата. Според Законот за МАНУ, МАНУ е највисоката самостојна научна и уметничка институција во државата“,
соопшти Сојуз на синдикатите на Македонија.
Во штрајкот нема да учествуваат академиците на МАНУ, научните соработници вработени во истражувачките центри на Академијата.