Бугарија, како што најави Николај Сабев, ќе предложи состанок на министрите за транспорт од Северна Македонија и Албанија со Европската комисија, за Коридорот 8 да се трансформира во коридор на Западен Балкан
Министерот за транспорт на Бугарија, Николај Сабев, изјави за БНТ дека првиот лет за Скопје ќе биде на 11 февруари, а редовните летови ќе почнат во март.
Како што јави МИА од Софија, заедно со Сабев, во Скопје ќе бидат и претставници на тур-оператори од Бугарија, кои ќе се сретнат со нивните македонски колеги. Заедно со двајцата ресорни министри на разговорите ќе учествуваат и најголемите инвеститори во областа на туризмот од Бугарија.
Тур-операторите од Бугарија и од Северна Македонијтреба да договорат туристички пакети за посетите на туристи од двете земји да станат профитабилни и атрактивни.
Сабев рече дека за рутата треба да има повластени давачки, кои ќе ги добива бугарската авиокомпанија која ќе ги извршува летовите.
Бугарија, како што најави, ќе предложи состанок на министрите за транспорт од Северна Македонија и Албанија со Европската комисија за Коридорот 8 да се трансформира во коридор на Западен Балкан.