Таа се најде на критики во јавноста и во нејзината партија бидејќи минатата година кога беше министерка за екологија на покраината Рајнлад замина на одмор во време кога тој дел од Германија беше погоден од големи поплави, при што загинаа речиси 200 луѓе
Германската министерка за семејни прашања Ане Шпигел поднесе оставка, откако се најде на критики во јавноста бидејќи минатата година кога беше министерка за екологија на покраината Рајнлад замина на одмор во време кога тој дел од Германија беше погоден од големи поплави, при што загинаа речиси 200 луѓе.
Среде катастрофата, Шпигел со семејството заминала во Франција на едномесечен одмор, а кога поради тоа се најде на удар на јавноста, лажела дека учествувала на состаноците на регионалната влада преку интернет, пренесува Политико.
На почетокот на годинава беше откриено дека надлежните служби ја предупредиле Шпигел дека поплавите ќе бидат катастрофални, но таа го игнорирала тоа.
Шпигел во денешното соопштение наведе дека поднесува оставка поради политички притисок, но не од канцеларот Олаф Шолц, кој изјави дека ја поддржал неколку часа пред да поднесе оставка.
Медиумите јавуваат дека Шпигел била принудена да поднесе оставка поради притисокот на лидерите на нејзината Зелена партија, а тоа конкретно од неа го побарале Аналена Бербок и Роберт Хабек.