Коалицијата на Емануел Макрон и здружената левица предводена од Жан-Лик Меланшон се скоро изедначени на денешниот, прв круг од парламентарните избори во Франција, покажуваат првичните анкети.
Според последните проценки на Ифоп Фидусиал за резултатите од првиот круг, Нупес (социјалисти, бунтовна Франција, Зелени и Комунисти) на Жан-Лук Меланшон ќе успее да се искачи на врвот (26,1 отсто) на ниво на Франција. Обединетата левица на тој начин ќе ја надмине макронистичката конфедерација „Заедно!”, која ќе заврши на второто место (25,6 отсто). Веднаш потоа следува Националниот собир на Марин Ле Пен со (19,2 отсто), пред Републиканците кои се со (11,3 отсто).
Според проценките, претседателското мнозинство сепак треба да биде првата сила во Собранието следната недела и покрај конкуренцијата од здружената левица.
Речиси 6 300 кандидати се борат за 577 места во Националното собрание. За мнозинство во Парламентот се потребни 289 пратенички места.
Вториот круг од изборите треба да се одржи на 19 јуни.