Како што објави БНТ, човекот кој го поставил транспарентот е однесен во полиција за да биде идентификуван
Непознат маж постави транспарент во центарот на Софија, на кој пишува дека во Македонија нема Бугари, како што објави Бугарската национална телевизија (БНТ), пред почетокот на Консултативниот совет за национлна безбедност на Бугарија, на кој главна тема ќе биде евроинтеграцијата на Скопје.
На транспарентот пишува: „Во Македонија нема Бугари, само Македонци. Така е и во Пиринска Македонија“.
Според БНТ, мажот бил повикан од полиција за да биде идентификуван.
Претходно, претседателот на Бугарија, Румен Радев, за денеска во 14 часот го закажа состанок на Консултативниот совет за национална безбедност на тема „Интеграција на Западен Балкан во ЕУ. Улогата на Република Бугарија во проширувањето на ЕУ и во процесот на стабилизација и асоцијација: Република Северна Македонија и Албанија.
Една недела по состанокот на Советот, бугарскиот премиер Кирил Петков ќе престојува во прва официјална посета на земјава.