Американскиот претседател Доналд Трамп синоќа по локално време го одржа својот трет говор за состојбата на нацијата. Медиумите во неговиот 78-минутен говор открија мешање на факти со лаги.
ТВ-мрежата Ен-би-си направи проверка на фактите и откри каде Трамп се обидел да ја заобиколи вистината.
Тврдење 1:
„Благодарение на нашата смела регулаторна кампања, САД станаа светски производител број еден на нафта и гас“.
Вистина
Факт: САД се најголем производител на природен гас од 2011 година и на нафта од 2014 година, според Американската администрација за енергетски информации, која ги следи релевантните податоци. Трамп ја презеде функцијата во 2017 година.
Тврдење 2:
„После загубата на 60.000 фабрики во претходните две администрации, сега САД имаат 12.000 нови фабрики под мојата администрација.“
Вистина
Факт: Трамп генерално е целосно во право иако неговите податоци се малку изменети. САД изгубија 53.659 фабрики за време на двете претходни администрации, а не 60.000, според Бирото за статистика на трудот. Но, тој е во право кога вели дека тој тренд се променил за време на неговата администрација. Помеѓу 2017 и вториот квартал од минатата година, САД додале 12.074 фабрики, според најновите достапни податоци на Бирото.
Тврдење 3:
После мојот избор, создадовме 7 милиони нови работни места, 5 милиони повеќе отколку што предвидуваа владините експерти во претходната администрација.
Заблуда
Факт: Овие бројки се заблуда. Трамп, исто така, ја смета и работата под администрацијата на Обама. Сепак, економијата не се движеше толку брзо. Откако Трамп ја презеде функцијата, земјата обезбеди 6,7 милиони работни места за 36 месеци. Тој, исто така, смета дека ова е невиден успех што никој не можел да го предвиди, но не е така. За 36 месеци пред преземањето на функцијата на Трамп, Обама создаде 8,2 милиони работни места.
Тврдење 4:
„Доколку не ги сменевме неуспешните економски политики на претходната администрација, светот сега немаше да биде сведок на овој голем економски успех.“
Невистина
Факт: Економистите веруваат дека тековниот период на економски раст започна со администрацијата на Обама. Некои велат дека намалувањето на даноците на Трамп можеби го поттикнало, но економијата не се намалила кога Трамп ја презеде функцијата.
Тврдење 5:
„Стапките на невработеност меѓу Афроамериканците, Хиспаноамериканците и Азијците достигнаа најниски нивоа во историјата.“
Вистина.
Факт: Тоа е точно. Стапките на невработеност за секоја од тие заедници достигнаа најниски нивоа во историјата, иако сите три се зголемија малку по достигнувањето на овие најниски нивоа.
Тврдење 6:
„Им го дадов цврсти ветувања на американските семејства: Ние секогаш ќе ги заштитуваме пациентите под сегашни услови.“
Невистина
Факт: Тврдењето е верифицувано претходно, затоа што Трамп тоа го зборуваше со години. Но, доказите го негираат: администрацијата на Трамп ја судски процес во кој се тврди дека поддршката на Обама под сегашните околности е нелегална и Белата куќа не предложи алтернативно законодавство.
Тврдење 7:
„Со задоволство објавив минатата година дека првпат во 51 година, цената на лекови на рецепт всушност се намалува.“
Невистина
Факт: Трошоците за лекови на рецепт се зголемуваат, особено за брендирани лекови, се вели во анализата на „Асошиејтед прес“.
Тврдење 8:
„Пред да стапам на должност, парите за здравствено осигурување се удвои во рок од пет години. Реагирав брзо да дадам прифатлива алтернатива. Нашите нови планови се до 60 отсто поевтини и подобри.“
Половично точно
Факт: Парите за здравствено осигурување двојно се зголемија за пет години, според владиниот извештај и плановите на Трамп велат дека може да излезат многу, многу поевтини. Но, овие планови се евтини за помалку добра причина: Тие опфаќаат многу помала грижа и вклучуваат голем број ризици.
*Поврзана вест
На годишното обраќање на Трамп во Конгресот: Пелоси ја искина копијата од говорот
