Кинеските државни медиуми ја повлекоа веста за смртта на лекарот Ли Венлинг, кој прв се обиде да предупреди за коронавирусот. „Глобал тајмс“, кој јави дека Венлинг починал во болница во Вухан од коронавирусот, вечерва ја демантираше веста и објави дека тој е во критична состојба.
Веста за смртта вирално се рашири, откако ја пренесоа и сите светски медиуми. Неколку часа подоцна од болницата соопштија дека во одреден момент дошло до застој на срцето на лекарот, но дека во моментов се одржува во живот на апарати.
Во меѓувреме, на социјалните мрежи луѓе од разни страни од светот испраќаа сочувство до семејството на лекарот.
Дури и Светската здравствена организација на Твитер изрази жалење, а подоцна напиша дека нема информации за неговата состојба.