Вчера австриската влада соопшти дека од понеделник стапува на сила национален карантин за целото население, без разлика дали некој е вакциниран или не, а од 1 февруари 2022 г. вакцинацијата ќе стане задолжителна за сите
Илјадници луѓе денеска протестираа во Виена против строгите рестрикции за заштита од ковид-19 кои вчера ги најави австриската влада.
Според медиумските извештаи, на протестот присуствувале околу 35 000 луѓе, а бил обезбедуван околу 1 300 полицајци. Полицијата објави и дека привела неколку лица, а како што пренесуваат медиумите, дел од демонстрантите фрлале шишиња кон полицајците.
Демонстрантите скандирале „слобода“ и голем дел од нив не носеле маски, со што ги кршеле правилата за организирање големи собири.
На отпор кон мерките во Австрија претходно повика и радикалната десничарска партија ФПО, која е трета по големи во австрискиот парламент. Нејзиниот лидер Херберт Кицкл, кој во моментов е позитивен на ковид-19, порача дека во Австрија на пат е воведување „диктатура“ и повика на жесток отпор против мерките.
Вчера австриската влада соопшти дека од понеделник стапува на сила национален карантин за целото население, без разлика дали некој е вакциниран или не, а од 1 февруари 2022 г. вакцинацијата ќе стане задолжителна за сите.
Ковид-рестрикциите предизвикаа протести и во други земји. Во Холандија беа регистрирани насилни демонстрации во кои имаше и ранети лица, а се протестираше и во Хрватска.