Матичните лекари во изминатиот период одржаа два вакви мирни протести, но тие беа во нивните ординации, каде не примаа пациенти. Но сметаат дека нема резултат. Овојпат се одлучија протестот да биде пред Министерството за здравство
На Светскиот ден на здравјето – 7 април, Здружението на приватни лекари најавија мирен протест пред Министерството за здравство од каде ќе ги изнесат нивните барања.
Меѓу другото, тие бараат капитационен бод од 90 денари, промена на режимот на лекови и важење на препораките за хронична терапија, да се промени казнената политика, електронско здравство, како и да се променат буџетите за специјалисти и лаборатории.
„Сето ова го бараме за нашите пациенти и за опстанок на примарното здравство. Само кај нас има неограничен број на услуги со ограничени финансиски средства. Огромен број на услуги не се платени. Триесет години добиваме исплата на нашиот труд со каснење од по неколку месеци! За прв пат имаме министер за здравство од примарно ниво и заменик министер кој ги разбира нашите проблеми. Владите се менуваат, но никако да не стават во план на нивниот буџет“,
потенцираа од Здеужението.
Матичните лекари во изминатиот период одржаа два вакви мирни протести, но тие беа во нивните ординации, каде не примаа пациенти. Но сметаат дека нема резултат. Овојпат се одлучија протестот да биде пред Министерството за здравство.