Телото е пронајдено и извлечено од реката во близина на Старо Градско околу пладне
Пронајдено е безживотното тело на 16-годишното девојче што пред пет дена исчезна во водите на Вардар во близина на селото Уланци, Општина Градско.
Од Министерството за внатрешни работи (МВР) информираат дека телото е пронајдено и извлечено од реката во близина на Старо Градско денеска околу 12 часот напладне.
На местото е извршен увид, а по наредба на јавен обвинител телото е дадено на обдукција.
Исчезнувањето на 16-годишното девојче во водите на Вардар го пријави сестрата на малолетничката на 24 јули. Покрај девојчето, беше пријавено дека во Вардар е изчезната и 26-годишна жена, но таа беше пронајдена жива.
Во потрагата беа вклучени припадници на МВР и на специјалната единица „Волци“ на Армијата.