Спорен велешката ТППЕ, дојавата за забележано безживотно тело во Вардар е добиена денеска попладне, по што на терен се упатени двајца пожарникари спасители и едно возило
Пронајдено е безживотно тело во водите на реката Вардар кај велешкото село Уланци, информираат денеска од Територијалната противпожарна единица (ТППЕ) Велес.
„Денеска во 14:30 часот е примена дојава за безживотно тело во реката Вардар кај селото Уланци. По пристигање на местото, лешот е изваден од водите и предаден на службите“,
се вели во соопштението на велешките пожарникари.
На терен дејсвуваа двајца пожарникари спасители и едно возило.
Како што пренесуваат дел од медиумите, Основното јавно обвинителство (ОЈО) Велес ги презема првичните истражни мерки.
Издадена е наредба за обдукција за утврдување на причините за смртта и утврдување на идентитетот на пронајденото безживотно тело.