Пронајден е и вториот мобилен телефон на Катица Јанева, за кој претходно имаше информации дека е загубен.
„По издавање на првата наредба за одземање на мобилните телефони, беше пронајден само еден мобилен телефон и беше дадена информација дека вториот мобилен телефон бил изгубен. Обвинителството со издадено барање до мобилните оператори за следење на IMEI- меѓународен идентитет на мобилна опрема на телефонот, го пронајде мобилниот телефон кај друго лице. По што, со наредба на судија на претходна постапка телефонот е одземен. Притоа лицето изјави дека телефонот е добиен на подарок“,
се вели во соопштението на Јавното обвинителството за гонење организиран криминал и корупција
Пронајдениот мобилен телефон ќе биде даден на вештачење. Истовремено, обвинителството испитува дали овој мобилен бил „средство на СЈО“.
