Минималната температура ќе биде во интервал од -2 до 3, а максималната ќе достигне од 7 до 13 степени
Времето денеска ќе биде променливо облачно со сончеви периоди, информира Управата за хидрометеоролошки работи (УХМР). Во утринските часови наместа ќе провејува слаб снег. Ќе дува слаб до умерен ветер од северозападен правец. Минималната температура ќе биде во интервал од -2 до 3, а максималната ќе достигне од 7 до 13 степени.
Променливо облачно време со сончеви периоди се очекува и во Скопје. Ќе дува умерен северен ветер. Минималната температура ќе се спушти до 0, а максималната ќе достигне до 9 степени.
До вторник ќе биде претежно облачно и суво, а во среда ќе има врнежи од дожд кои ќе бидат пообилни во западните делови, велат од УХМР. На некои од повисоките планини врнежите од дожд ќе преминуваат во врнежи од снег. До крајот на неделата во утринските часови ќе има појава на магла во одделни котлини.