Минималните температури ќе се движат во интервал од 1 до 11 Целзиусови степени, додека максималните ќе се искачат од 5 до 17 степени
Управата за хидрометеоролошки работи (УХМР) за денеска најавува променливо облачно време со повремени врнежи од дожд кои локално ќе бидат пообилни, над 20 литри на квадратен метар.
Претежно во источните делови на земјата ќе има услови за појава на нестабилност со пороен дожд, грмежи и силен ветер кој ќе достигне брзина и над 70 километри на час. Претпладне ќе дува умерен до засилен ветер од јужен, а попладне од северен правец.
„На планините во северните делови врнежите од дожд ќе преминуваат во врнежи од снег“,
информира УХМР.
Минималните температури денеска ќе се движат во интервал од 1 до 11 Целзиусови степени, додека максималните ќе се искачат од 5 до 17 степени.
Времето во Скопје ќе биде променливо облачно со повремени врнежи од дожд, а во делови од котлината ќе бидат проследени со ретки грмежи. Температурите ќе се движат од минимални 6 до максимални 15 степени.
Според најавата на УХМР, утре и во вторник ќе има заладување со нови пообилни врнежи кои на планините и на повисоките места ќе бидат од снег. Во вторник и среда ќе дува засилен северен ветер со брзина од над 60 километри на час.