Под влијание на нов влажен бран, попладне ќе има врнежи од дожд кои во вечерните часови локално ќе бидат пообилни. Во текот на ноќта врнежите на планините и на повисоките места ќе преминат во снег, но ќе слабеат по интензитет
Променливо облачно со повремени сончеви периоди и со умерен засилен јужен ветер – ова е прогнозата на Управата за хидрометеоролошки работи (УХМР) за денеска. Под влијание на нов влажен бран, попладне ќе има врнежи од дожд кои во вечерните часови локално ќе бидат пообилни. Во текот на ноќта врнежите на планините и на повисоките места ќе преминат во снег, но со послаб интензитет.
Минималните температури ќе се движат во интервал од -1 до 5 Целзиусови степени, а максималните ќе достигнат од 8 до 18 степени.
Во Скопје ќе биде променливо облачно со дожд во попладневните и вечерните часови. Во текот на ноќта врнежите на околните планини ќе преминат во снег, но ќе слабеат по интензитет.
Температурите во Скопје денеска ќе се движат од минимални 3 до максимални 14 степени.