Минималните температури ќе се движат во интервал од 0 до -5 Целзиусови степени, додека максималните ќе се искачат од -1 до 5 степени
Променливо облачно и студено време најавува Управата за хидрометеоролошки работи (УХМР) за денеска.
Претпладне ќе има повремени локални врнежи од снег. Ќе дува умерен, вдолж Повардарието засилен северен ветер со брзина од над 60 километри на час. Минималните температури ќе се движат во интервал од 0 до -5 Целзиусови степени, додека максималните ќе се искачат од -1 до 5 степени.
Времето во Скопје ќе биде променливо облачно со повремен слаб снег претпладне. Ќе дува умерен, а во делови од котлината повремено засилен ветер од север. Температурите ќе се движат од 0 до 3 степени Целзиусови.
Во следните денови се очекува променливо облачно време со повремени сончеви периоди и слаб до умерен северен и северозападен ветер. Од почетокот на следната недела, УХМР најавува стабилно и суво време со утрински температури кои на места ќе се спуштат и под -10 степени.