Одговарајќи на новинарско прашање како да се надмине проблемот со влијанието на родителите во оценувањето на нивните деца, посочи дека послабата оценка не е казна, туку треба да е мотив за постигнување на одредени компетенции, вештини и квантум на знаења што ќе им помогнат во животот на учениците
Проблемот со „петките“ на учениците генерално го лоцираме кај родителите, рече денеска министерката за образование и наука, Весна Јаневска на обраќањето на петтиот панел од националната кампања „Магијата е знаењето“ на министерството со кое раководи.
„Токму оваа кампања е во тој правец, со цел да им кажеме на оние родители што инсистираат нивните деца да добиваат високи оценки без соодветно знаење дека де факто им прават голема штета прво на своите деца, а потоа и на целото општество“,
кажа таа.
Одговарајќи на новинарско прашање како да се надмине проблемот со влијанието на родителите во оценувањето на нивните деца, посочи дека послабата оценка не е казна, туку треба да е мотив за постигнување на одредени компетенции, вештини и квантум на знаења што ќе им помогнат во животот на учениците.
„Ова е масовна појава. Имаме неколку мерки што досега сме ги презеле, како на пример со е-дневникот, со разни програми, со кои се обидувамее да влијаеме на разни стереотипи и предрасуди и така ќе продолжиме“,
вели Јаневска.
Зборувајќи за воведување на приемни испити на факултетите, рече дека не е забрането нивното одржување и тие како установи сами можат да донесат одлука за нивно одржување.
„На пример, Архитектонскиот факултет се одвива некаква претквалификација, дури и обука за испит. Но, според ЕУ, а нашиот систем го насочуваме натаму, децата имаат матура и неправедно е да имаат две скалила на елиминација во нивното напредување кон високото образование“,
рече министерката.
Според неа, направена е измена на матурата на барање на учениците и наставниците, со што одвоена е државната стручна матура од државната матура која фактички е гимназиска.
Тоа е направено, како што додаде, оти стручните школи имаат помал обем на општо образовни предмети, од оние во гимазиите.
„Сепак, материјалот од општо образовните предмети што ги полагаат учениците од стручното ќе биде прилагоден на нивните наставни програми и планови. Така, двете матури ќе бидат на исто ниво и ќе имаат проодност кон високото образование“,
вели Јаневска.