Министерството за внатрешни работи соопшти дека по целосно документирање на случаите, против нив ќе бидат поднесени пријави по член 297-а од Кривичниот законик – безобѕирно управување со моторно возило
Двајца возачи од Велес и од Тетово кои возеле под дејство на алкохол се приведени, а приведен е и возач од Кочани кој возел во спротивна насока на кружен тек.
Во Велес во 04:55 часот е приведен З. Ј. (29), кој со возило „сеат“ удрил во метална канделабра на улицата „Димитар Влахов“. Тој имал 1,66 промили алкохол во крвта.
Во Тетово во 00:54 часот е приведен 19-годишниот А. З. од селото Порој, кој на улицата „Иво Рибар Лола“ со патничко возило „фолксваген голф“ удрил во рабник, а при преземање мерки е констатирано дека е под дејство на алкохол, односно измерени му се 1,68 промили алкохол во крвта. Подоцна, во Клиничката болница Тетово, тој физички нападнал полициски службеници додека вршеле службени дејствија.
Во 01:50 часот во Кочани е приведен Д. Ѓ. (69) затоа што управувал патничко возило „форд“ со штипски регистарски ознаки на кружен тек во спротивен правец, и продолжил да се движи во спротивната насока по ул. „Димитар Влахов“ во истиот град.
Министерството за внатрешни работи соопшти дека по целосно документирање на случаите против нив ќе бидат поднесени пријави по член 297-а од Кривичниот законик – безобѕирно управување со моторно возило.