Како што соопшти вечерва МВР, лицето нудело пари, а лицата кои земале, се потпишувале дека примиле пари
Педесет годишен жител на село Милино, Општина Лозово попладнево е приведен од полициски службеници од ОВР Свети Николе, по претходни сознанија дека врши поткуп на гласачи за претстојните локални избори.
Како што соопшти вечерва МВР, лицето нудело пари, а лицата кои земале, се потпишувале дека примиле пари.
Тој е приведен по член 162 ст.1 и 2 вв ст 3 „поткуп при избори и гласање“ и по документирање на случајот ќе биде поднесен соодветен поднесок.
Од ОЈО подоцна вечерва соопштија дека осомничениот на 15 октомври 2021 година, во општина Лозово бил забележан како дава пари на граѓани за да гласаат за независен кандидат. Со потврда одземена е документацијата и паричните средства кои биле пронајдени кај осомничениот.
Осомничениот е задржан во полициска станица. По дадени насоки на обвинителството, полициските службеници прибираат известувања од лицата кои ги примиле паричните средства во висина од по 3 000 денари. Се преземаат и други дејствија за расчистување на настанот.