На 2 март осомничениот влегол во казино на улицата „Лазо Трповски“ во Битола, се качил на катот од објектот каде што имало и други лица, истурил бензин врз шест слот-машини и ги запалил
Триесет и петгодишен жител на битолското село Долно Оризари добил осумдневен притвор откако во саботата запалил дел од казино во Битола, информираат од Основното јавно обвинителство (ОЈО).
На 2 март, се наведува во соопштението од ОЈО, осомничениот влегол во казино на улицата „Лазо Трповски“ во Битола, се качил на катот од објектот каде што имало и други лица. Потоа истурил бензин врз шест слот-машини и ги запалил. Со тоа предизвикал пожар кој зафатил дел од инвентарот и предизвикал значителна опасност по животот и телото на луѓето и по имотот од големи размери, додаваат од ОЈО.
Притворот на 35-годишното лице му е определен од судија на претходна постапка од Основниот суд по предлог на надлежен јавен обвинител, а е осомничен за кривично дело – предизвикување општа опасност од член 288 став 1 од Кривичниот законик.