Средбата на судската полиција со министерот за правда Никола Тупанчески следува откако претходно денеска членовите на синдикатот протестираа во главниот град изразувајќи го своето незадоволство за состојбата во која се наоѓаат
Претставниците на Независниот синдикат на судската полиција денеска имаа средба со министерот за правда во земјава, Никола Тупанчески, кого го информираа за нивните барања за покачување на платите за 15 проценти.
Во тој контекст, од Министерството за правда информираа оти е договорено најдоцна до крајот на неделата да се воспостави комуникација со со Министерството за финансии околу обезбедувањето финансиски средства.
„Министерството за правда ќе стори сè што е во негова надлежност за подобрување на материјалната состојба на вработените во судската полиција“,
додаваат оттаму.
Средбата на судската полиција со министерот за правда Никола Тупанчески следува откако претходно денеска членовите на Синдикатот протестираа во главниот град изразувајќи го своето незадоволство за состојбата во која се наоѓаат.
„Нема да дозволиме судската полиција да остане на маргините на судството. Достоинството пред сè“,
стои во фејсбук-објавата на Независниот синдикат на судската полиција.