Дождот ќе биде пообилен во западните делови од земјава, со наврнати над 15 литри на квадратен метар, а на планините врнежите ќе бидат од снег
Претпладне услови за магла по одделни котлини и променливо облачно, попладне и во текот на ноќта дождливо – вакво време најавува УХМР за денеска. Дождот ќе биде пообилен во западните делови од земјава, со наврнати над 15 литри на квадратен метар, а на планините врнежите ќе бидат од снег.
Ќе дува слаб до умерен, а попладне вдолж Повардарието повремено засилен југоисточен ветер.
Минималните температури ќе се движат во интервал од -3 до 1, додека максималните ќе се искачат до 4 до 13 Целзиусов степени.
Времето во Скопје ќе биде променливо облачно со услови за магла претпладне. Попладне и во текот на ноќта ќе има повремени врнежи од дожд и ветер од југоисточен правец. Температурите ќе се движат од минимални -3 до максимални 9 степени.
УХМР за утре најавува променливо облачно и магливо време со услови за локален дожд во југоисточните делови.