Членовите на делегацијата на Украина веќе се на пат кон „преговарачката локација“ во Белорусија за втор круг разговори, соопшти кабинетот на украинскиот претседател
Можностите за прекин на огнот ќе бидат на дневен ред на новите руско-украински разговори утре, според најави од Русија, која, истовремено, продолжува да ги бомбардира украинските градови.
Членовите на делегацијата на Украина веќе се на пат кон „преговарачката локација“ во Белорусија за втор круг разговори, соопшти кабинетот на украинскиот претседател.
Преговорите ќе почнат во утринските часови на местото кое е „заедно определено од страните“, а се наоѓа недалеку од границата со Полска, изјави рускиот преговарач Владимир Медински.
❗️#Ukrainian delegation is on its way to a meeting with the #Russian delegation in Belovezhskaya Pushcha, Zelensky’s office said
— NEXTA (@nexta_tv) March 2, 2022
Украина и Русија ќе бидат претставени од истите членови како и во првиот круг разговори, објави руската државна новинска агенција РИА.
„Белоруските специјални служби целосно ја обезбедуваат безбедноста во Белорусија, а нашата армија обезбеди безбеден премин за движење на украинската делегација“
рече Медински.
Првично беше најавено дека втората рунда преговори ќе почне вечерва, по првата средба што се одржа во понеделникот.